Давс Талын Монгол

Шүдэн уулын жамц давсыг 400 гаруй сая жилийн өмнө тэнгисийн ус ширгэхэд хатуурч үлдсэн гэж судлаачид шинжилсэн байдаг. Ингэснээр уг давс нь хүний биед хэрэгтэй кальци, кали, хүхэр, төмөр, магни, иод зэрэг байгалийн эрдсүүдийг маш ихээр агуулсан, химийн нэмэлт шаардлагагүй байдаг байна. Хүнсний зориулалтаар өдөр тутам хэрэглэснээр хүний биед хэрэгтэй эрдсын дутагдлыг нөхөх ба жамц давсаар хоол, цайнд хийхэд гашууруулдаггүй, зөөлөн амттай болгодог.

Хоолой болон амны хөндийн үрэвсэлт өвчин, буйлны сулрал, шүдний хэврэгшил зэрэгт уусмал болгож бэлтгэн хэрэглэвэл зохимжтой. Бэртэл, гэмтлийн улмаас үүдэлтэй хаван, хавдар зэрэгт жамц давстай өтгөн хар цайгаар жин тавьж хоноход хаван бууж, өвдөлт намдаах зэрэг уламжлалт эмчилгээний өндөр ач холбогдолтой.