Ном "Өөрийгөө бүтээ" Ч.Алимаа

Хүн бүрийн хүмүүжил төлөвшил, амьдралын ухаан, мэдлэг боловсрол, ажил мэргэжил, суралцан хөгжсөн арга туршлага, зам мөр нь өөр өөр ч миний зүгээс нэгэн зүйлийн талаар бичиж үлдээхийг, Монгол хүн бүр заавал мэдэж байх хэрэгтэй гэдгийг сануулахыг чухалчилсан билээ. Энэ юу гэвээс Их эзэн Чингис хааны үр хойч болох хувь тохиолтой монголчууд бид уламжлалаа хадгалан өвлүүлж, түүн дээрээ тулгуурласан хувь хүний онцлогоо таньж мэдэн хөгжүүлэх боломжтойг хүн бүрт сануулах гэсэн юм. Уламжлалаа шингээсэн шинэчлэл өөрчлөлтөөр Монгол хувь хүний хөгжил илүү өндөр түвшинд хүрээсэй хэмээн хүссэн билээ.