Ном Охинтой боллоо

   Эх хүн болох нь эмэгтэй хүний амьдралд тохиох гайхамшигтай сайхан мэдрэмж бөгөөд асар их аз жаргалыг бэлэглэдэг. Эмэгтэй хүний нөхөн үржихүйн тогтолцоо урт удаан хугацааны туршид хөгжин бойждог. Түүний эрүүл байдлыг хангаж, эсэн мэнд төрж үр хүүхэдтэй болохын тулд охин байх цагаас нь тэр бүү хэл дөнгөж хэвлийд бүрэлдсэн үеэс нь охин хүүхдийн арчилгаа сувилгаа эхэлдэг. Охин хүүхдийн нөхөн үржихүйн тогтолцооны бүрэлдэх, хөгжих үйл явцад хэд хэдэн чухал үеүд бий. Энэ үеүдэд эцэг эхчүүд охин хүүхэддээ онцгой анхаарал тавьж, ажиглаж байх ёстой бөгөөд үүний тулд биед нь гарах зүй ёсны өөрчлөлтүүд, илрэх эрүүл бөгөөд эмгэг шинж тэмдгийг ялган таних мэдлэг чадвартай байх хэрэгтэй. Энэ бол эцэг эхийн үүрэг юм. Энэ чадвар мэдлэгийг олгохын тулд энэхүү гарын авлага зориулагдах болно. Хүүхдийг өвчин эмгэггүй эрүүл саруул өсгөх үндэс суурь бол ямар нэг эм тан бус харин эрүүл мэндийн анхан шатны боловсрол мэдлэг юм.