“Така Тука арал чанх урд байна” гэж нарлаг сайхан нэг өглөө ташаандаа өлгөсөн богино банзлаас өөр хувцасгүй Пиппи усан онгоцны харуулын тавцан дээр зогсож байгаад хашгирав. Тэд өдөржин шөнөжин, долоо хоног, сараар, салхи шуурга алдгадсан далайгаар, тогтуун тунгалаг усан дээгүүр, оддын гялбаа сарны гэрэл дор, харанхуй, айж сүрдэм үүлсийн доогуур, шатам халуун нартайд за тэгээд Томми, Анника хоёр жижиг хотод хэрхэн аж төрж байснаа бараг мартах шахам удаан аялсан байлаа... Уг номын зохиогч Астрид Линдгрэн нь 1907 онд Шведийн Шмеланд хотод төрсөн. Тэрээр дэлхийд алдартай хүүхдийн зохиолч бөгөөд Германы номын худалдааны “Энхтайвны шагнал”, Нобелийн “Алтернатив шагнал”, Шведийн утга зохиолын төрийн шагнал, мөн “Ханс Кристиан Андерсений нэрэмжит шагнал”-аар шагнагджээ.