1Q84-I дэвтэр ЗХ

Зүрх сэтгэлдээ хоногшсон өөрийн дуртай кино, хөгжим, утга зохиолоос эш татаж, бүтээлдээ шигтгэж өгсөн нь уншихад энгийн, ойлгомжтой хэрнээ аялгуу хэмнэл сайтай, нарийн мэдрэмж төрүүлэхүйц гайхалтай бүтээлийнх нь онцлог байж болох юм. Залуухан эмэгтэй Аомаме таксины жолоочийн заасан учир битүүлэг замаар явж эвлэлдэж өгөхгүй зөрүүтэй ертөнцөд нэвтрэн орсноо ойлгоно. Тэрхүү ертөнцийн үйл явдал бодит 1984 онд бус 1Q84 хэмээх зэргэлдээх он тоололд өрнөнө. Аомаме дунд сургуульд байхдаа ангийхаа нэгэн хөвгүүнд нууцхан дурлаж гараас нь атгасан ховорхон мөчөө насан туршдаа дурсан санадаг байв. Хамгийн хачирхалтай нь тэр л агшинг өнөөх хөвгүүн ч мартаагүй бөгөөд зүрх сэтгэлдээ дүрийг нь нандигнан хадгалдгийг тэр яахан мэдэх билээ. Насанд хүрсэн Тэнго математикийн багш бөгөөд сонирхлоороо зохиол бичих гэж оролддог нэгэн. Тэрээр эгэл биш зохиолчийн сүнсний түүхт романыг редакторлах ажилд санаандгүй татагдан орсон нь урьдын амар амгалан гоонь эрийн амьдралаа орвонгоор нь эргүүлэх сонголт байсныг хожим ухаарна.