Ном Харуул Алтай /зөөлөн хавтастай/

Харуул Алтай /зөөлөн хавтастай/ Төрийн болон Д.Нацагдоржийн шагналт зохиолч Д.Гармаагийн бичсэн тус романд: ... "Арван есөн насандаа амьдрал гээч хувь заяаны салаа зам дээр хөсөр хаягдсан Бадам бүсгүй эх орноосоо, элгэн саднаасаа хагацан, Франц улсын Парис хотноо очиж, харь хүнтэй дэр нийлүүлэн үр хүүхдүүдийг нь гаргаж, амгалан тайван амьдарна. Тэрээр насны эцэст өссөн төрсөн нутаг юугаан тэмүүлж, ан авд хорхойтой нөхөр Бордьегийн хүслийн зулыг бадамлуулж, “ХАРУУЛ АЛТАЙ”-даа эргэн ирснээр зохиол эхэлдэг" ... Төрийн шагналт зохиолч Доржийн Гармаа гуай энэ бүтээлдээ Ховд аймгийн Булган сумын Харуул алтай уулаас эхтэй Булганы торгууд, Алтайн урианхай, Үенчийн захчин, хасаг гээд олон ястны үүх түүх, үндэс угсаа, соёл, зан заншлын талаар танин мэдэхүйн асар их мэдлэг өгөхийн сацуу харийн бодлогын хар гайгаар элгэн түмэн, өвөг дээдэс минь өөр хоорондоо тэмцэлдэж, түүний золиос болсон олон мянган Монгол айл өрхийн тухай ултай суурьтай, бодитойгоор сэтгэж, утга зохиолтой нийцүүлэн бичсэн байдаг.