Ном Асч амьдар

АСЧ АМЬДАР: Хувь хүний хил хязгаар Өнөөгийн нийгэмд үй түмэн асуудал байгаа нь мэдээж. Үүний хажуугаар хувь хүмүүс өөрсдийнхөө төлөө өөрөө хийж чадах зүйлүүд ч бас бий! Тэнцвэргүй байдал, үл ойлголцол, зөрчил хэзээ ч алга болохгүй. Гэр бүл, найз нөхдийн, бүхий л харилцаанд хүмүүс өөрсдөө ч анзаарахгүйгээр, ойлгохгүйгээр эсвэл зориудаар бусдын хил хязгаарыг, хүсэл зоригийг зөрчиж, үнэтэй цаг хугацаа, боломжуудыг алдагдуулдаг.  Та өөрийгөө, гэр бүлээ, хүүхдүүдээ, үнэ цэнэтэй бүхнээ түрэмгий, бүдүүлэг, булхайцагч, ичгүүргүй, мэдрэмжгүй орчинд яаж хамгаалах вэ? Оюун санаа, сэтгэл зүй, цаг зав, хөлс хүч, эрдэм мэдлэг, эд хөрөнгө, өөрийн зорилгоо, зарчмуудаа хүн бүр хэрхэн хамгаалах вэ? Хүмүүнийг юу илүү үнэ цэнэтэй, илүү эрхэм болгодог вэ? Хүмүүнээс гадна тусдаа орших эд хөрөнгө, түр зуурын албан тушаал, фэйсбүүкийн “like” биш, харин таны өөртөө цогцлоосонэрхэм нандин чанарууд нь таны насан туршийн баялаг, үнэ цэнэ байх болно. Ихэнх хүмүүс нийгмийн хүлээлт төсөөллийг л гол болгоод, өөрөө өөрийгөө хэн нэгэнтэй харьцуулж, эсвэл бусдын сонирхолд нийцэхийг оролддог. Жинхэнэ өөрийн хүсч буй “БИ”-г хэрхэн яаж бүтээж бий болгохоо төлөвлөж, хүсэл мөрөөдлөө олоорой. Зүгээр л бусдын хийдэг бүхнийг хийвэл Та тэдний л нэг болно. Өөр баймаар байна уу? Тэгээд юуг яаж өөрөөр хийх вэ?  Энэ ном танд хувь хүний эрхэм чанаруудаа, хил хязгаараа хөгжүүлэхэд тань хөтөч болж, айх аюулгүй, амар амгалан, эрх чөлөөтэй ирээдүйгээ бүтээж бий болгоход тусална. Таны хүүхдүүд яаж өөрийгөө, амьдралаа хамгаалж сурах вэ? Энэ номыг уншаад хүүхдүүддээ зааж өгөөрэй. Тэд дургүй зүйлээ “үгүй” гэж эсэргүүцэж сурвал цаашид муу бүхэнд “үгүй” гэж чаддаг болно.  Хүмүүс, залуу үе аливаад хил хязгаартай, зөв бурууг ялгадаг байх тусам ирээдүй нь илүү тод гэрэлтдэг