Ном Монгол шог романууд

Утга зохиолын нэгээхэн том ай сав болох “Шог хошин” төрөл нь зохиолчоос яггүй авьяас, шаггүй мэдрэмж шаарддаг учраас тун цөөхөн зохиолчид энэ төрлөөр бүтээл туурвидаг. Монгол зохиолчдын дундаас цор ганц хүн Олон улсын шог хошин зохиолын “Алеко” уралдааны тэргүүн шагналыг Болгар улсаас хүртсэн, анхны шог хошин роман бичсэн гээд “анхдагч” амжилтууд эрхэм зохиолчид бий. Инээд наргиан, егөөдөл, элэглэл, ёгтлол, хэтрүүлэл зэрэг хошин шог зохиолын олон төрлийг уран нарийн сүлжин шаглаж, уншсан хэний ч болов сонирхлыг соронзон мэт татах элэг хөшөөм үйл явдлуудаар дүүрэн байдаг нь уран чадварын илэрхийлэл юм.