Ном Дөрвөн мянган долоо хоног

Хүний дундаж наслалт хөгийн, аймаар, гомдмоор богино ажээ. Орчин үеийн анхны хүмүүс Африк тивийн тал нутагт дор хаяж 200 мянган жилийн өмнө үүссэн хэмээн үздэг бөгөөд хүний амьдрал ямар нэг хэлбэрээр дахин 1.5 тэрбум жил буюу улам бүр эрчимжиж буй нарны илч сүүлчийн амьд биетийг арчих хүртэл үргэлжилнэ гэж эрдэмтэд таамагладаг. Харин та яах вэ? Таныг ная насална гэж тооцвол та дөрвөн мянга орчим долоо хоног амьдарна гэсэн үг.

Энэхүү ном, бидэнд олгогдсон хэтэрхий ахархан дөрвөн мянган долоо хоногийн гэрэлт боломж буюу бодит нөхцөл байдлыг зөвөөр харуулж чадах цаг хугацааны талаарх ойлголтыг танд шинээр, эсвэл сэргээн өгөх гэсэн зохиогчын оролдлого бөлгөө. Бидний мэдэх цагийн удирдлага хөөрхийлөлтэйгөөр ялагдсан, тийм атал ялагдаагүй юм шиг царайлахаа болих хэрэгтэй гэсэн итгэл үнэмшлээр энэхүү номыг бичжээ. Тиймийн тул бүгдээрээ ялагдлаа хүлээн зөвшөөрөхөөс эхэлье.