Ном Монголын түүхийн философи

Уг номын зохиогч Д.Чулуунжав ШУА-д нийтдээ 40 жил ажилласны 34 жилийг Философи, социологи эрхийн хүрээлэнд, 6 жилийг Түүхийн хүрээлэнд ажиллаж өнгөрөөжээ. Энэ хугацаанд судлаач философи, эдийн засаг, улс төр судлал, үндсэн хуулийн эрх, түүхийн шинжлэх ухааны үүднээс монголын нийгмийн тулгамдсан олон асуудлыг авч үзсэн 36 ном, хамтын бүтээлийн 29 бүлэг зүйл, судалгааны 146 өгүүлэл бичиж нийтлүүлжээ. Уншигчдад толилуулж буй энэ ном монгол хүн, монгол угсаатан, монгол төр улсын гарал, түүхийг ойлгох, судлахад онол аргазүйн ихээхэн ач холбогдолтойн дээр эх түүхийг маань шинээр сэргээн бүтээхэд багагүй тус хүргэх болно.