Ном Босс хүүхэн

Өдгөө Америкт төдийгүй дэлхийн өнцөг булан бүрт биеэ даасан, өөрийн үзэл бодолтой эмэгтэйчүүд Тина Фейн шүтэн бишрэгчдийн эгнээнд шилжсээр байна. Vogue сэтгүүл Америк уншигчдынхаа дунд хамгийн ихээр өөрт нь нөлөө үзүүлдэг олны танил бүсгүй хэн бэ? Хэмээх санал асуулгыг явуулахад хатагтай Фей нь уг жагсаалтыг өнгөлжээ. Түүнээс өндөр албан тушаалтай, илүү өмч хөрөнгөтэй, илүү олон удаагийн давтамжтайгаар хэвлэл мэдээллээр гардаг бүсгүйчүүд олон бий. Гэвч яагаад? Яагаад зүгээр л нэг комеди зохиолчийн үгийг бүсгүйчүүд ийнхүү сонсох болов? Тэрээр ялдам, энхрий, үргэлж хоёрдугаарт бичигддэг эмэгтэйчүүдийн байр суурийг өөрчлөхөд хамгийн их нөлөөлсөн зохиолыг бичиж, комеди чиглэлд эрс шинэчлэл хийсэн нь бүсгүйчүүдэд хамгийн ихээр нөлөөлсөн. Хувирамтгай, биеэ тоосон, галзуу, феминист, дарангуйлах дуртай... эдгээр бүгд Тина Фейн зан чанарууд. Үүн дээр нэмээд хурц ухаантай, мэдрэмжтэй, ер бусын хөгжилтэй, эрч хүчтэй, шаргуу гэсэн жоруудыг нэмбэл жинхэнэ Тина Фейн гарч ирэх болно. Түүний өөрийгөө нээсэн, мэдэрсэн, тунхаглан зарласан талаар зөвхөн энэ ном танд өгөх болно. ...............Хэрвээ та эмэгтэй хүн байгаад эрчүүд давамгайлсан ажил хэргийн ертөнцөд өөрт хэрэгтэй зөвлөгөөг хайж байгаа бол тэр чинь энд байна. Өсвөр насны охин шиг үсээ сүлжиж, мөр гэдсээ ил гаргасан мак өмсөх хэрэггүй. Уйлахаа хямгад. Гэхдээ огт битгий уйл гэсэн үг биш шүү. Зарим хүмүүс бусдад өөрийг тань уйлуулах боломжийг бүү олго гэж зөвлөдөг. Харин би тэс өөр зарчмыг баримталдаг. Хэрвээ чи галзуурахад ганц хуруу л дутаад, чамд уйлахаас өөр сонголт үлдээгүй тохиолдолд уйлж орхи. Уйлж буй эмэгтэйгээс айдаггүй зүйл гэж энэ хорвоо дээр нэгээхэн ч үгүй. Гэхдээ энэ нь бүсгүйчүүдийн ховорхон тохиолдолд ашиглах “хөзрийн тамга” гэдгийг санаарай. Дээрээс нь чи бэлгийн хамтрагчаа сонгохдоо биологийн эрдэмтэн шиг хянуур хандах шаардлагагүй ч авьяас чадвар бэлгийн замаар дамждаггүйг тогтоогоод ав. Тиймээс ажлын хамтрагч, дарга цэрэгтэйгээ битгийн нэг хөнжилд ор. Түүнчлэн ажил хэргийн зоогны үеэр зөв хооллолтын нарийн чанд дүрмээсээ татгалзахад гэмгүй ...................