Ном Гүнгийн хатан монсоро

Франц. Арван зургаадугаар зуун. Эр зориг ба шившигт явдал сүлэлдсэн эрин зуун. Агуу улсын хувь заяа ид шийдэгдэж байсан эрин зуун. Нэгдмэл хүчирхэг улс байх уу, эсвэл ноёд тайж нарын өөр хоорондын тэмцэл тулаанаас үүдсэн хагархай бутархай улс болж үлдэх үү гэдгийг шийдэж байсан эрин зуун.

Ихэмсэг Валуа удмынхан улс орныг удирдан захирсан хэвээр. Романы үйл явдал III Генрихийн хаанчлалын үе ба гугенотуудын дайны цаг үед өрнөнө. Гэхдээ хурц тод ба нүдэнд харагдахуйц бичигдсэн түүхэн үйл явдлууд нь хайр дурлалын төвөгтэй далд явуулгын дэвсгэр болж өгдөг.

Хааны ордны хорон үйл явдлууд, бохир, садар самуун, увайгүй амьдралын эсрэг зохиолч аймшиггүй чин зоригт де Бюсси гүн ба түүний амраг хайрт Диана нарын шударга, чин сэтгэлийн, үнэнч хайрыг сөргүүлэн тавьсан байна.

Уншсан хүний сэтгэлийг үйл явдлаараа эрхгүй булаах энэхүү зохиол дундад зууны Франц орны амьдралаар аялах боломжийг уншигч танд олгоно.