Ном Кихот Ноён 2-р боть роман-Мигель Сервантес

Өнөөг хүртэл амь бөх оршсоор байгаа цөөхөн хэдэн уран зохиолын баатрууд байдаг. Гамлет, нөгөөх нь зүй ёсоор Дон Кихот байх нь лав. Хэрвээ та Дон Кихот зохиолын амарлингуй хэмнэлийг илүү мэдрэх аваас Дон Кихот нь Одиссейн дараа орох урьд хожид зохиогдож байгаагүй хамгийн шилдэг адал явдалт зохиолын нэг юм. Энэ зохиолын хамгийн сэтгэл татам, сонирхолтой хэсгүүд нь өөрсдийн аман ярианы чадвараа бүтээлчээр ашигласан хамгийн шилдэг харилцан яригч болох хүлэг баатар болон түүний хамаа намаагүй чалчиж орхидог дагалдагчийн хооронд өрнөдөг. Дон Кихот нь туйлын хошин роман юм. Энэ талаар хошин яриа хүртэл бий. Испанийн Хаан Филипп III гудамжаар явж байгаад элгээ хөштөлөө инээн нулимс нь хацараа даган урсах нэгэн уншигчийг хараад “энэ хүн нэг бол галзуурсан байх, эсвэл Дон Кихот л уншиж байгаа байх” гэж хэлж байсан удаатай. Зарим уншигчид тас тас хөхрөн инээж байхад, зарим нь инээвхийлж, нэг нь гаднаа инээж байхад нөгөө хэсэг нь дотроо мушийж байх жишээтэй. Зарим нь үүнийг сониучирхсан шохоорхолоор нүд нь гялалзан, заримдаа гунигаар бүрхэн уншиж суудаг. Өөрт нь байдаг шинж чанарт бус, харин тэр хүн өөрөө байдагаас болж Сервантесийн хошигнолыг тодорхойлоход хэцүү байдаг. Түүний хошигнолд өгсөн хамгийн шилдэг дүгнэлт бол яах аргагүй Уолтер Старкигийнх юм. Сервантесийн хошигнолыг “нэг дор нэгээс олон зүйлийг харж чаддаг” хэмээн тэрээр зүйрлэсэн байна. УТГАТАЙ АМЬДАРМААР БАЙНА УУ? Маргааш яг турна, англи хэл сурна, архинаас гарна, ажилд орно, том хөдөлнө, баяжина, дүүдээ тусална, дасгал хийнэ, гэрээ томсгоно, машинаа солино, ажлаа тэлнэ, гадаадад амарна гээд л... бид баахан мөрөөдөлтэй явдаг. Бахь байдагтаа амьдрал утгагүй үргэлжилсээр буйд доторх бачуурал шатам дэгддэг. Гол нь өдөрт ямар хөдөлгөөнүүд хийгээд бид мөрөөдөлдөө хүрч чадахгүй байна вэ? Өөрийгөө тольдъё гэвэл дэлхийн сонгодгуудын оргил бүтээл болох “НОЁН КИХОТ” зохиолыг уншаарай. Уг зохиолыг огт ном уншдаггүй хүн хүртэл мэддэг нь дэлхийн тавцанд хэр алдартай болохыг тодорхойлоод өгнө. Испанийн алдарт зохиолч уг зохиолоор өөрийгөө тольдсон хэмээн судлаачид үздэг. Зохиолыг заавал бүрэн уншиж байж өөрийгөө гүйцэд толинд харж, утгагүй үйлүүдээ зогсоож чадах аж. Кихот шиг агуу мөрөөдөлтэй бүтэлгүйчүүд бүх цаг үед байсаар ирсэн. Тэдний тоо цөөрөхийн хэрээр нийгэм дэх ядуурал багасна хэмээх зохиолын агуу утга оршдог. Хохь ноён Кихот хамаг амьтасын зовлонг арилгана хэмээн адсага унаад, зэвтэй зэвсэг агсаад, өрвийж үрчийтэлээ хорвоогоор хэрэн тэнэдэг. Үзэсгэлэнт хүүхэн тэвэрч, баатар эр болж, улсын эзэн сууж, туслахаа хотын захирагчаар томилж, баян ядуугийн ялгааг арилгаж, хүн болгоныг чинээлэг болгодог... даанч энэ бол хэт туйлширан мөрөөдсөний ланчигаар сэтгэцээ гэмтээсэн Кихотын солиорол төдийгүй, зүүд зэрэглээ байдаг. Мөрөөдөл хэт агуу, хөдөлгөөн хэт мулгуу байвал гуйланчлалд насаа бардгийн тод жишээг Кихот өөрийн биеэр харуулдаг. Гуйлгачинаараа түрүү барьсан эс бөгөөс хэт ашиг хонжоо хайж, элдэв увайгүй хөдөлгөөнүүд байнга хийвэл бусдад мэдрэл муутай төдийгүй, бүр галзуу солиотой мэт харагддаг болохыг алдарт зохиолч Сервантес хошин төдийгүй, хэнд ч ойлгогдохоор их энгийнээр бичсэн хэрнээ дотроо маш олон гүн ухаан, утга санаануудыг агуулсан учраас үнэ цэнэ нь бүх сонгодгуудыг оройлон тэргүүлдэг билээ.