Олж мэд -

Шинжлэх ухаан бол бидний эргэн тойрны бүх зүйл билээ. Өглөө сэрэхээс үдэш унтах хүртэл бидний хийж байгаа бүх зүйл, бидэнтэй учирч буй бүх үзэгдлийг шинжлэх ухаанаар тайлбарлаж болно. Өдөр тутмын амьдралд болж буй зүйлсийг ойлгоход шинжлэх ухаан хэрхэн тусалдгийг харуулсан олон жишээ энд бий. ''Олжмэд!'' цувралд Шинжлэх ухаан, Чулуун зэвсгийн үе, Инженерчлэл, Кодчилол, Амьтад, Ой мод гэсэн зургаан ном багтсан бөгөөд ан амьтад, ургамлын амьдрал, шинжлэх ухааны нээлтүүд, эрт чулуун зэвсгийн үеийн түүх гээд маш олон сэдвээр хүүхдүүдэд товч, тодорхой, цэгцтэй мэдлэг олгох юм. Уг цувралын ном тус бүрд мэдлэг сорих асуулт хариулт, он цагийн товчоон, агуу нээлтүүд, амьтан, ургамлын төрлүүдийг багтаасан зурган хүснэгт болон олж мэдсэн зүйлсээ бичих хуудас бий. Шинжлэх ухааны ертөнц гайхамшигтай сонирхолтой зүйлсээр дүүрэн.