Ном Хатан хаан Марго

Хатан хаан Марго “Хатан хаан Марго” зохиолд католик ба протестант шашинтны хоорондох цуст мөргөлдөөн болоод Францын иргэний дайны он жилүүдийг харуулдаг. Францын гүнж Маргаритаг улс төрийн зорилгоор протестант шашинт Наваррийн хаан Генрихтэй 1572 онд гэрлүүлснээр зохиолын үйл явдал эхэлнэ. Гэвч тэр хоёрын хэн хэн нь өөр хүмүүст хайртай байлаа. Дүү Маргаритагаа ийнхүү хадамд гаргаснаар протестантуудын дунд итгэл олж, улмаар Францын нөлөө бүхий протестануудыг нийслэлд цуглуулж чадсан IX Карл хаан түүхэнд Варфоломейн шөнө хэмээн алдаршсан цуст яргаллаа үйлдэнэ. Энэхүү зохиолд чин сэтгэлийн ариун хайр, хайрынхаа төлөө амь насаа золиослож буй зоригт тайж Ла-Моль, эрчүүдийн хоорондох жинхэнэ нөхөрлөл ба мөн андынхаа төлөө цаазын тавцанд гарч байгаа тайж Коконнасийн тухай сэтгэл уярам түүхийг өгүүлдэг. Мөн ордны далд явуулга, хаан ширээний төлөөх тэмцэл зэргийн тайллыг номын хуудсанд нэвчээсэн хор идэж үхсэн IX Карл хааны бодит түүхээр харуулдаг байна.