Ном Цахим эринд найз нөхдөө хэрхэн өөртөө татаж бусдад нөлөөлөх вэ?

“Агуу эргэцүүллийг энгийн үнэн тэтгэдэг” гэж Францын нийтлэлч Ваувенэргүес хэлжээ.

“Хэрхэн найз нөхөдтэй болж, бусдад нөлөөлөх вэ” ном нь одоог хүртэл хамгийн их ашиг орлоготой номуудын нэг байж, зөвхөн 2010 онд л гэхэд АНУ-д 250,000 ширхэг зарагдсан шалтгаан нь уг номын зарчмууд энгийн бөгөөд цаг хугацаа өнгөрсөн ч үнэн байсаар байгаад оршино. Агуулагдаж буй мэргэн ухаан нь илэн далангүй, бас гайхамшигтай. Хамгийн анх 1912 онд Карнеги энэ сэдвийг хөндсөнөөс хойш хүмүүс зөвлөгөө хүсдэг, боломжуудыг асуудаг, удирдуулахаар найр тавьдаг тийм хүн болох үр дүнтэй замыг бусдад гэрэлтүүлэн харуулсаар байна. Энэхүү сонгодог номыг дахин бичиж буй шалтгаан нь үнэт зөвлөгөөнүүдийнх нь орыг эзлэн, шахаж гаргах явдал биш юм. Харин “Карнегийн цаг хугацааны туршид хувиршгүй зөвлөгөөнүүдийг орчин цагт нэвтрүүлэх, өнөөгийн нүдээр харж, цахим ертөнцөд зохицсон сэтгэлгээгээр хэрэглэх” зорилгын хүрээнд бичигдсэн болно. Өнөөдөр бидэнд олдож байгаа найз нөхөдтэй болох, бусдад нөлөөлөх боломж нь Карнегийн үетэй харьцуулахад харьцангуй өндөр, мөн өссөөр байна. Өөрт олдож буй боломжоо алдвал, бусдад нөлөөлөх боломж тань төдий чинээ багасах болно. Учир нь орчлон ертөнц зөвхөн танаар хязгаарлагдахгүй ба бусад хүмүүс ч гэсэн таны адил орчлон ертөнцийн нэг хэсэг билээ.