Арсеньевын амьдрал И.Бунин (1870-1953) - Нобелийн шагналт анхны орос зохиолч (1933), Петербургийн Эзэн хааны Академийн хүндэт гишүүн Пушкины нэрэмжит хоёр удаагийн шагналтан. Язгууртан гаралтай, хаант засгийг талархагч нэгэн учир Октябрийн хувьсгалаас дайжин эх орноо орхин цагаачилж, Францад насаа элээсэн эмгэнэлт төөрөгтөн. И.Бунинд "Оросын сонгодог хүүрнэл зохиолын уламжлалыг хөгжүүлж буй машид уран авьяасыг нь" үнэлэн Нобелийн шагнал хүртээсэн. Үүнийг нотлох гол бүтээл нь энэ роман. Өөрийнхөө амьдралтай сүлэлдүүлэн Арсеньев гэгчийн идэр насны цадиг мэтээр туурвисан энэ романыг амьдралын философийн шаштир гэх нь бий.